Poligram Atyrau ЖШС-нің ЕҢБЕК ҚАУІПСІЗДІГІ, ДЕНСАУЛЫҚТЫ ҚОРҒАУ ЖӘНЕ ҚОРШАҒАН ОРТАНЫ ҚОРҒАУ САЛАСЫНДАҒЫ САЯСАТЫ
«Poligram Atyrau» ЖШС еңбек қауіпсіздігі, денсаулықты қорғау және қоршаған ортаны қорғау (бұдан әрі – ЕҚ, ДҚ және ҚОҚ) саласындағы Саясатты СТ РК ISO 45001-2019 «Еңбек қауіпсіздігі және денсаулықты қорғау менеджменті жүйелері. Талаптар және қолдану жөніндегі нұсқаулық» және СТ РК ISO 14001-2016 «Экологиялық менеджмент жүйелері. Талаптар және қолдану жөніндегі нұсқаулық» стандарттарының талаптарына, сондай-ақ тапсырыс берушілердің талаптарына негіздей отырып әзірледі.
Компания ЕҚ, ДҚ және ҚОҚ мәселелерін өз қызметінің маңызды бөлігі ретінде басқарады. Бұл өндірістік жарақаттану мен кәсіби аурулардың туындау қаупін барынша азайтуға, сондай-ақ экологиялық қауіпсіздікті жан-жақты қолдауға және күнделікті қызмет жүзеге асырылатын аумақтарда табиғи ортаны сақтауға бағытталған.
Жоғарыда аталған мақсаттар мен қағидаттарға қол жеткізу үшін «Poligram Atyrau» ЖШС төмендегілерді басшылыққа алады:
Компанияның жоғары басшылығының еңбек қауіпсіздігі, техника қауіпсіздігі және қоршаған ортаны қорғау деңгейін арттыру мақсаттарына берік ұстанымы;
Қазақстан Республикасы заңнамасының және Компания қызметін ЕҚ, ДҚ және ҚОҚ саласында реттейтін өзге де нормативтік-құқықтық актілердің, сондай-ақ халықаралық стандарттардың талаптарын орындау;
Өндірістік жарақаттану мен кәсіби аурулардың алдын алуға бағытталған қызметті жоспарлау және жүзеге асыру;
Жұмыс орындарында қауіпсіз еңбек жағдайларын қамтамасыз ету және қолдау;
Қызметкерлерді жұмыс орындарындағы еңбек қауіпсіздігі мен денсаулықты қорғау мәселелері, денсаулыққа зиян келтіру қаупі, зиянды және қауіпті өндірістік факторлардан қорғану шаралары туралы ақпараттандыру, жеке қорғаныс құралдарымен қамтамасыз ету;
Жұмыстарды қауіпсіз орындау әдістері бойынша тиісті оқытуды ұйымдастыру және жаңа жұмыс түрлерін орындау алдында барлық қызметкерлерді қайта даярлау;
Қоршаған ортаны барлық қолжетімді тәсілдермен қорғау: Компания қызметінің қоршаған ортаға әсерін төмендету, мүмкін болған жағдайда экологиялық қауіпсіз материалдар мен жұмыс әдістерін қолдану;
ЕҚ, ДҚ және ҚОҚ талаптарының сақталуына қатысты қызметкерлердің құқықтары, міндеттері мен жауапкершілігін нақты айқындай отырып, құжаттаманы уақтылы әзірлеу және өзектендіру арқылы еңбек қауіпсіздігі, денсаулықты қорғау және экологиялық менеджмент жүйелерін жетілдіру;
СТ РК ISO 45001-2019 және СТ РК ISO 14001-2016 талаптарына сәйкес менеджмент жүйелерінің жұмыс істеуін қамтамасыз етуге, сондай-ақ еңбек қауіпсіздігі, техника қауіпсіздігі және қоршаған ортаны қорғау бойынша іс-шараларды өткізуге қажетті қаржылық ресурстарды бөлу;
ЕҚ, ДҚ және ҚОҚ көрсеткіштерін қоса алғанда, есептілік ұсыну арқылы үздіксіз жақсартуларды жүзеге асыру.
Компания басшылығы денсаулық пен қауіпсіздікке қатысты барлық мәселелер бойынша басқарудың барлық деңгейлері, қызметкерлер және мердігер ұйымдар арасында тиімді рәсімдердің, консультациялар мен өзара байланыстардың қамтамасыз етілуін және қолдауын жүзеге асырады.
«Poligram Atyrau» ЖШС барлық қызметкерлердің жұмыс орнындағы денсаулық пен қауіпсіздіктің барлық аспектілері бойынша стандарттарды жақсартуға толықтай ынтымақтаса қатысуын күтеді.
Осы Саясаттың талаптары Компанияның барлық қызметкерлеріне, мердігер ұйымдарға және келушілерге жеткізілген.